"Yuventus"ning sobiq hujumchisi Paulo Dibala uchun bir nechta klublar da’vo qilmoqda.
Corriere della Sera xabariga ko‘ra, bir necha kun oldin erkin agentga aylangan argentinalik futbolchiga "Napoli", "Milan", "Monsa" va "Inter" klublari qiziqmoqda.
Neapolliklar hozircha rasmiy taklif bilan chiqqani yo‘q – tomonlar o‘rtasida faqat norasmiy kelishuvlar mavjud edi.
«Napoli» Dibalaning vakillariga «Inter» bilan muzokaralar cho‘zilsa, unga shartnoma taklif qilishga tayyor ekanliklarini ochiqladi.
Xuddi shunday pozisiyani "Milan" ham egallab turibdi. Hujumkor pozisiyasini mustahkamlash “rossonerilar”ning ustuvor vazifasidir.
