«Paxtakor» klubi sport direktori Maksim Shatskix Qoraqalpog‘istonda bo‘lib o‘tgan voqealar yuzasidan o‘z fikrini bildirib o‘tdi.

– Nukusdagi voqealarni kuzatib boryapmiz. Hozirda siz xavfsiz joydamisiz?
– Ha, hozirda Toshkentdaman. Qoraqalpog‘istondagi voqealar haqida eshitdim. Ammo voqea tafsilotlarini chuqur kuzatib bormadim.

– Ushbu voqealar O‘zbekiston chempionatini o‘tkazishga xalal bermaydimi?
– Hozircha hammasi reja asosida ketmoqda. Nukusdagi namoyishlar tez orada tugaydi, deb o‘ylayman. Toshkentda vaziyat tinch. Chempionatni o‘tkazishga hech narsa xalal bermaydi.

– "Paxtakor" sport direktori sifatida ish boshlaganingizga bir oy bo‘ldi. Yangi joydagi ishlaringiz qanday ketyapti?
– Hammasi yaxshi. Maqsad va vazifalar bor. Jamoa rahbariyatida "Paxtakor"ni rivojlantirish ishtiyoqi bor. Asta-sekin jamoani «evropalashtirish»ga harakat qilyapmiz.

– O‘zbekistonda ish boshlaganingizdan keyin Ukrainadagi voqealarni kuzatib boryapsizmi?
– Albatta, barchasini kuzatib boryapman. Har kuni yangiliklarni o‘qiyman. Kuzatib bormaslikning iloji yo‘q. Axir Ukrainada do‘stlarim va tanishlarim ko‘p.