«Пахтакор» клуби спорт директори Максим Шацких Қорақалпоғистонда бўлиб ўтган воқеалар юзасидан ўз фикрини билдириб ўтди.

– Нукусдаги воқеаларни кузатиб боряпмиз. Ҳозирда сиз хавфсиз жойдамисиз?
– Ҳа, ҳозирда Тошкентдаман. Қорақалпоғистондаги воқеалар ҳақида эшитдим. Аммо воқеа тафсилотларини чуқур кузатиб бормадим.

– Ушбу воқеалар Ўзбекистон чемпионатини ўтказишга халал бермайдими?
– Ҳозирча ҳаммаси режа асосида кетмоқда. Нукусдаги намойишлар тез орада тугайди, деб ўйлайман. Тошкентда вазият тинч. Чемпионатни ўтказишга ҳеч нарса халал бермайди.

– "Пахтакор" спорт директори сифатида иш бошлаганингизга бир ой бўлди. Янги жойдаги ишларингиз қандай кетяпти?
– Ҳаммаси яхши. Мақсад ва вазифалар бор. Жамоа раҳбариятида "Пахтакор"ни ривожлантириш иштиёқи бор. Аста-секин жамоани «европалаштириш»га ҳаракат қиляпмиз.

– Ўзбекистонда иш бошлаганингиздан кейин Украинадаги воқеаларни кузатиб боряпсизми?
– Албатта, барчасини кузатиб боряпман. Ҳар куни янгиликларни ўқийман. Кузатиб бормасликнинг иложи йўқ. Ахир Украинада дўстларим ва танишларим кўп.