“Manchester Yunayted” rahbariyati 4 iyul, dushanba kuni hujumchi Krishtianu Ronaldu bilan uchrashuv o‘tkazadi. Tomonlar 37 yoshli portugaliyalikning kelajagini klubda muhokama qilishadi, deb xabar beradi The Telegraph.
Klub Ronaldu jamoani o‘zgartirishga qanchalik qat’iy qaror qilganini va agar u hali ham transferni talab qilsa, keyingi qadamlar ikkala tomon uchun qanday bo‘lishi mumkinligini tushunmoqchi.
"Manchester Yunayted" vakillari keskin pozisiyani egallashmoqchi.
Ronaldu 2021 yil avgust oyi oxirida "Manchester Yunayted"ga qaytdi. 2021/22 yilgi mavsumda u jamoa safida barcha musobaqalarda 38 ta o‘yinda 24 ta gol urdi va 3 ta golli uzatmani amalga oshirdi.
Hujumchining klub bilan shartnomasi 2023 yilning 30 iyuniga qadar amal qiladi.
