“Манчестер Юнайтед” раҳбарияти 4 июль, душанба куни ҳужумчи Криштиану Роналду билан учрашув ўтказади. Томонлар 37 ёшли португалияликнинг келажагини клубда муҳокама қилишади, деб хабар беради The Telegraph.

Клуб Роналду жамоани ўзгартиришга қанчалик қатъий қарор қилганини ва агар у ҳали ҳам трансферни талаб қилса, кейинги қадамлар иккала томон учун қандай бўлиши мумкинлигини тушунмоқчи.

"Манчестер Юнайтед" вакиллари кескин позицияни эгаллашмоқчи.

Роналду 2021 йил августь ойи охирида "Манчестер Юнайтед"га қайтди. 2021/22 йилги мавсумда у жамоа сафида барча мусобақаларда 38 та ўйинда 24 та гол урди ва 3 та голли узатмани амалга оширди.

Ҳужумчининг клуб билан шартномаси 2023 йилнинг 30 июнига қадар амал қилади.