"Lids" o‘z yarim himoyachisi Rafinya Diasning o‘rniga boshqa futbolchini topdi. Jurnalist Fabrisio Romanoning ijtimoiy tarmoqlarda xabar berishicha, "tovuslar" Rotterdamning "Feyenoord" yarim himoyachisi Luis Sinisterra bilan shartnoma imzolashga yaqin turibdi.
Manbaga ko‘ra, kolumbiyalik futbolchi ingliz klubi bilan shaxsiy shartnoma shartlarini kelishib olgan. Hozirda "Lids" "Feyenoord" bilan tovon puli borasida kelishib olish uchun muzokara olib bormoqda. Ma’lumotlarga ko‘ra, klublar kelishuvga juda yaqin.
Shuningdek, "Lids" "Bryugge"dan yarim himoyachi Sharl de Katlereni sotib olishga harakat qilmoqda.