"Fiorentina" sport direktori Daniele Prade rossiyalik hujumchi Aleksandr Kokorinning jamoadagi holati haqida gapirdi. Oldinroq Italiya OAVlari "binafsharanglilar" futbolchi bilan shartnomani bekor qilish niyatida ekanligi haqida yozgan edi.

"Kokorin bilan shartnomani bekor qilish bo‘yicha muzokaralar unchalik yaxshi o‘tmadi. So‘nggi paytlarda u yaxshi ishlayapti. Shuning uchun, agar shartnomani bekor qilishga qaror qilsak, tomonlarning o‘zaro kelishuviga ko‘ra buni qilamiz", - deya Pradeni so‘zlaridan iqtibos keltirmoqda Janluka di Marsioning rasmiy sayti.

Funksionerning qo‘shimcha qilishicha, Kokoringa Rossiya jamoalaridan takliflar bor. U jamoaning o‘quv-mashg‘ulot yig‘inlaridan so‘ng, futbolchining kelajagi aniq bo‘lishini ta’kidladi.

30 yoshli Kokorin 2021 yilning qishida Italiyaning “Fiorentina” klubi futbolchisiga aylanib, “Spartak”dan 4 million yevro evaziga ko‘chib o‘tgan edi. Bu vaqt ichida rossiyalik “binafsharanglilar” safida 11 ta o‘yin o‘tkazib, samarali harakatlarini amalga oshira olmadi.