"Real Madrid" hujumchisi Vinisius Junior "oltin to‘p"ni olish ehtimoli haqida gapirdi. 21 yoshli braziliyalik futbolchi sovrinni qo‘lga kiritish uchun uzoq yo‘l bosib o‘tishi kerak, deb hisoblaydi.
"Oltin to‘p" - bu o‘z-o‘zidan paydo bo‘lishi kerak, - deydi Vinisius. - Benzema 35 yoshda, endi u g‘alaba qozonadi, Modrich 33 yoshida g‘alaba qozongan. Oldinda meni yana ko‘p yillik rivojlanish kutmoqda. “Oltin to‘p”ni qo‘lga kiritishim uchun esa uzoq yo‘l bosib o‘tishim kerak.
Hujumchi o‘tgan mavsumda "Real" safida 52 ta o‘yinda maydonga tushib, 22 ta gol urdi va 20 ta golli uzatmani amalga oshirdi. Uning klub bilan shartnomasi 2024 yilning 30 iyuniga qadar mo‘ljallangan.
