"Реал Мадрид" ҳужумчиси Винисиус Жуниор "олтин тўп"ни олиш эҳтимоли ҳақида гапирди. 21 ёшли бразилиялик футболчи совринни қўлга киритиш учун узоқ йўл босиб ўтиши керак, деб ҳисоблайди.
"Олтин тўп" - бу ўз-ўзидан пайдо бўлиши керак, - дейди Винисиус. - Бензема 35 ёшда, энди у ғалаба қозонади, Модрич 33 ёшида ғалаба қозонган. Олдинда мени яна кўп йиллик ривожланиш кутмоқда. “Олтин тўп”ни қўлга киритишим учун эса узоқ йўл босиб ўтишим керак.
Ҳужумчи ўтган мавсумда "Реал" сафида 52 та ўйинда майдонга тушиб, 22 та гол урди ва 20 та голли узатмани амалга оширди. Унинг клуб билан шартномаси 2024 йилнинг 30 июнига қадар мўлжалланган.
