OFK rasmiy sayti Yevropaning kuchli klublarida o‘ynaydigan osiyolik bir qator futbolchilarni e’tirof etdi. Quvonarlisi, ularning orasida hamyurtimiz Eldor Shomurodov ham bor.
“Eldor Shomurodov Yevropaning eng kuchli ligalarida o‘zbekistonlik va markaziy osiyolik futbolchilar nimalarga qodir ekanligini isbotlab berdi.
2020 yilda Shomurodov Ilyos Zeytullayevdan keyin A Seriyada o‘ynagan ikkinchi o‘zbekistonlik bo‘lish uchun “Jenoa”ga ko‘chib o‘tdi. Uning ko‘k-qizil libosdagi o‘yini Joze Mourinyo e’tiboriga tushdi va u Italiya poytaxtiga ko‘chib o‘tdi.
27 yoshli futbolchi “Roma” safidagi debyutini “Fiorentina”ga qarshi o‘yinda (3:1) golli uzatma bilan nishonladi va mavsumni 39 o‘yinda 5 gol va 6 golli uzatma bilan yakunladi. May oyida Shomurodov UEFA turnirida g‘alaba qozongan birinchi o‘zbekistonlik futbolchi bo‘ldi. Uning finaldagi ishtiroki va ikkita golli uzatmasi rimliklarga UEFA Konferensiya Ligasining birinchi chempionligini qo‘lga kiritishiga yordam berdi”, deyilgan tashkilotning rasmiy saytida.
