Yarim himoyachi Pol Pogba shu haftada "Yuventus" bilan shartnoma imzolashni rejalashtirmoqda. 29 yoshli fransiyalik futbolchi tibbiy ko‘rikdan o‘tadi, shundan so‘ng kelishuv rasman e’lon qilinadi.

Pogba 2012 yil avgustidan 2016 yil avgustigacha “Yuventus”da o‘ynagan, shundan so‘ng “Manchester Yunayted”ga o‘tgan. Fransiyalik futbolchi ingliz klubini erkin agent sifatida tark etadi.

Oldinroq 29 yoshli futbolchi turinliklar bilan 4 yillik shartnoma imzolashi haqida xabar berilgandi. Uning maoshi bonuslarni hisobga olmaganda mavsumiga 8 million yevroni tashkil qiladi.

Pogba o‘tgan mavsumda barcha turnirlarda 27 o‘yinda 1 gol urdi va 9 golga assistentlik qildi.