Chili terma jamoasi hujumchisi Aleksis Sanches Italiya vise-chempionining transfer siyosatini bilvosita sekinlashtirgani sababli "Inter" muxlislari nazaridan chetda qoldi.
Sanches uzoq vaqtdan beri Simone Indzagi uchun keraksiz futbolchi bo‘lib kelgan, biroq shu bilan birga u ketishni istamayapti, shu sababli "Inter" Paulo Dibalani qo‘lga kirita olmaydi. Endi “Inter” muxlislari qayerda bo‘lmasin, Sanchesni masxara qilishmoqda.
- Aleksis Sanchesdan boshqa barchaga xayrli tong - bu "neradzurrilar" forumlarida yangrayotgan ovoz.
- Vidal hech bo‘lmaganda o‘z vaqtida ketishga vijdoni bor edi, Sanches esa o‘zini xafa bo‘lgan boladek ko‘rsatmoqda. Katta farq bor, deydi yana bir “Inter” muxlisi.
