"Real" hujumchisi Luka Yovich "Fiorentina"ga o‘tishga yaqin turibdi.

Bugun Serbiya terma jamoasining 24 yoshli futbolchisi Florensiya klubida tibbiy ko‘rikdan o‘tadi, deya xabar beradi jurnalist Janluka Di Marsio.

Yovich "binafsharanglilar" bilan 2+1 ko‘rinishida shartnoma imzolaydi. Dastlabki ikki mavsumda u yiliga 2,5 million yevro oladi, uchinchi mavsumda esa 5 million maosh nazarda tutilgan.

Avvalroq, Yovich "Real" bilan 2025 yilgacha tuzilgan amaldagi kelishuviga qaramay, "Fiorentina"ga tekinga o‘tishi ma’lum bo‘lgandi. Shu bilan birga, Madrid klubi hujumchining keyingi sotilgan summasining 50 foizini oladi.