Dukentda o‘quv-mashg‘ulotini davom ettirayotgan jamoamiz yozgi tayyorgarlik yig‘ini doirasida nazorat uchrashuvlarini ham o‘tkazishi oldindan rejalashtirilgandi.

Ayniqsa, Superliga klublariga qarshi o‘yinlar tashkil etilishiga alohida e’tibor qaratilgan bo‘lib, raqiblar aynan kuchlilar orasida ishtirok etayotgan jamoalardir.

Shu sababli “Andijon” klubi yozgi yig‘ini davomidagi dastlabki nazorat bellashuvini 11 iyul sanasida Mirjalol Qosimov boshchilik qilayotgan AGMK jamoasiga qarshi o‘tkazadi.

Navbatdagi bellashuv esa 20 iyul kuniga belgilangan bo‘lib, shu kuni jamoamiz Bekobodda “Metallurg”ga qarshi maydonga tushadi.

Ma’lumot o‘rnida shuni qo‘shimcha qilmoqchimizki, yana boshqa nazorat uchrashuvlari ham tashkil etilishi ko‘zda tutilgan.