Portugaliyaning “Jil Visente” klubi vingeri Samuel Linu “Atletiko” bilan shartnoma imzoladi, deb xabar beradi Madrid klubi rasmiy sayti.

22 yoshli braziliyalikning “matraschilar” bilan shartnomasi 2027 yilning yoziga qadar tuzilgan.

Linu o‘tgan mavsumda "Jil Visente" tarkibida 37 ta o‘yinda maydonga tushib, 13 ta gol urdi va 5 ta golli uzatmani amalga oshirdi.

Transfermarkt portali futbolchini 7 million yevroga baholamoqda.

O‘tgan mavsum yakuniga ko‘ra, madridliklar Ispaniya chempionati turnir jadvalida uchinchi o‘rinni egallab, Chempionlar ligasining chorak finaliga yetib borgandi. “Jil Visente” esa o‘z navbatida Portugaliya chempionatini beshinchi o‘rinda yakunladi.