Португалиянинг “Жил Висенте” клуби вингери Самуэль Лину “Атлетико” билан шартнома имзолади, деб хабар беради Мадрид клуби расмий сайти.

22 ёшли бразилияликнинг “матрасчилар” билан шартномаси 2027 йилнинг ёзига қадар тузилган.

Лину ўтган мавсумда "Жил Висенте" таркибида 37 та ўйинда майдонга тушиб, 13 та гол урди ва 5 та голли узатмани амалга оширди.

Transfermarkt портали футболчини 7 миллион еврога баҳоламоқда.

Ўтган мавсум якунига кўра, мадридликлар Испания чемпионати турнир жадвалида учинчи ўринни эгаллаб, Чемпионлар лигасининг чорак финалига етиб борганди. “Жил Висенте” эса ўз навбатида Португалия чемпионатини бешинчи ўринда якунлади.