Londonning “Chelsi” klubi va AQSH terma jamoasi vingeri Kristian Pulishich boshqa jamoaga o‘tishga yaqin turibdi.
Football.London xabariga ko‘ra, Turinning "Yuventus"i amerikalik uchun yangi klubga aylanishi mumkin.
Manbaga ko‘ra, “keksa senyora” Pulishichning transferiga rozi bo‘lgan. Shartnoma 59 million funt (~70 million yevro)ga baholangan.
Kristian London jamoasida 2019 yilning yanvaridan beri o‘ynab kelmoqda. Uning "Chelsi" bilan amaldagi shartnomasi 2024 yilning o‘rtalariga qadar tuzilgan.
2021/2022 yilgi mavsumda Pulishich barcha musobaqalarda 38 ta o‘yinda maydonga tushib, 8 ta gol urdi va 4 ta golli uzatmani amalga oshirdi.
