"Sautgempton" "Reynjers" yarim himoyachisi Jo Ariboni sotib olganini e’lon qildi.
25 yoshli futbolchi bilan 4 yillik shartnoma imzolangan.
OAV xabariga ko‘ra, Premyer-liga klubi Aribo uchun 6 million funt to‘lagan. Bonuslarni hisobga olgan holda, bu miqdor 10 milliongacha o‘sishi mumkin.
Aribo 2019 yildan beri “Reynjers” safida 149 ta o‘yinda maydonga tushib, 26 ta gol urishga muvaffaq bo‘ldi. "Reynjers" tarkibida u Shotlandiya chempioni bo‘ldi, shuningdek, Yevropa Ligasi finaliga chiqdi.