“Manchester Siti” vingeri Raxim Sterling tez orada Angliyaning yana bir top-klubi Londonning “Chelsi”siga o‘tadi.

Ijtimoiy tarmoq insayderi Fabrisio Romanoning yozishicha, “aristokratlar” futbolchini allaqachon tibbiy ko‘rikdan o‘tkazishgan.

Oldinroq futbolchi summasi 45 million yevroni tashkil qilishi xabar qilingandi. O‘yinchining maoshi turli bonuslar hisobiga 55 milliongacha oshishi mumkin.

Sterlingning londonliklar bilan shartnomasi 2027 yilning yoziga qadar amal qiladi. Shartnomada hamkorlikni bir mavsumga uzaytirish mumkin bo‘lgan band mavjud.