"Fluminense" hujumchisi Fred futbolchilik faoliyatini yakunlaganini e’lon qildi.

Braziliya terma jamoasining 38 yoshli sobiq futbolchisi joriy mavsumda 20 ta o‘yinda maydonga tushib, 2 ta gol va 2 ta golli uzatmani amalga oshirdi.

Faoliyati davomida Fred "Amerika Mineyro", "Kruzeyro", "Lion", "Atletiko Mineyro" va "Fluminense" klublarida o‘ynagan. “Lion” tarkibida hujumchi uch karra Fransiya chempioni va mamlakat kubogi sohibiga aylandi. "Fluminense" bilan birgalikda Fred ikki marta Braziliya chempioni bo‘ldi.

Braziliya terma jamoasi safida Fred 39 ta o‘yinda maydonga tushib, 18 ta gol urdi va 6 ta golli uzatmani amalga oshirdi. 2013 yilda terma jamoa tarkibida hujumchi Konfederasiyalar kubogini qo‘lga kiritgan.