"Arsenal"ning urugvaylik yarim himoyachisi Lukas Torreyra Turinning "Yuventus" klubiga o‘tishi mumkin, deb xabar beradi La Gazette Dello Sport.
Manba bergan xabarga ko‘ra, futbolchining vakillari Italiya klubi rahbariyati bilan bog‘lanib, o‘z mijozining xizmatlarini taklif qilishgan. "Yuventus" futbolchini sotib olish imkoniyatini ko‘rib chiqmoqda. “Kanonirlar” urugvaylik futbolchidan qutulishga tayyor, chunki bosh murabbiy Mikel Arteta uni kelajakdagi rejalariga kiritmagan.
26 yoshli Torreyra o‘tgan mavsumda "Fiorentina"da ijara asosida o‘ynadi va klub safida barcha turnirlarda 35 ta o‘yinda maydonga tushib, 5 ta gol urdi va 2 ta golli uzatmani amalga oshirdi. Uning klub bilan shartnomasi 2023 yilning yoziga qadar mo‘ljallangan.