"Арсенал"нинг уругвайлик ярим ҳимоячиси Лукас Торрейра Туриннинг "Ювентус" клубига ўтиши мумкин, деб хабар беради La Gazette Dello Sport.
Манба берган хабарга кўра, футболчининг вакиллари Италия клуби раҳбарияти билан боғланиб, ўз мижозининг хизматларини таклиф қилишган. "Ювентус" футболчини сотиб олиш имкониятини кўриб чиқмоқда. “Канонирлар” уругвайлик футболчидан қутулишга тайёр, чунки бош мураббий Микель Артета уни келажакдаги режаларига киритмаган.
26 ёшли Торрейра ўтган мавсумда "Фиорентина"да ижара асосида ўйнади ва клуб сафида барча турнирларда 35 та ўйинда майдонга тушиб, 5 та гол урди ва 2 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.
