"Manchester Yunayted" "Shtutgart" hujumchisi Sasha Kalaydjichga qiziqish bildirmoqda, deb yozdi jurnalist Florian Plettenberg.

Manba bergan xabarga ko‘ra, 25 yoshli avstriyalikning vakillari allaqachon nemis klubi rahbariyati bilan "Manchester Yunayted"ning qiziqishini muhokama qilishgan.

Qayd etilishicha, “Bavariya” va Dortmundning “Borussiya” klublari endi hujumchiga da’vogarlik qilmaydi.

Kalaydjich o‘tgan mavsumda “Shtutgart” safida 15 ta o‘yinda maydonga tushib, 6 ta gol urdi va 2 ta golli uzatmani amalga oshirdi. Uning klub bilan shartnomasi 2023 yilning 30 iyuniga qadar amal qiladi.