"Manchester Yunayted" Amsterdamning "Ayaks" futbolchisi Lisandro Martinesni qo‘lga kiritishiga ishonmoqda. Bu haqda jurnalist Fabrisio Romano ijtimoiy tarmoqlarida xabar bermoqda.

Manbaga ko‘ra, "Manchester Yunayted" bu hafta "Ayaks" bilan yangi aloqa o‘rnatishni rejalashtirmoqda, chunki ularning oldingi taklifi rad etilgan. Eslatib o‘tamiz, Amsterdam klubi Martines uchun taxminan 60 million yevro talab qiladi.

Martinesning o‘zi ketishini tezlashtirish uchun rahbariyatga bosim o‘tkazishda davom etmoqda. Argentinalik futbolchi Londonning “Arsenal”iga emas, balki “Manchester Yunayted”ga o‘zining sobiq ustozi Erik ten Xag jamoasiga o‘tishni afzal ko‘rmoqda.