"Sassuolo" klubi va Italiya terma jamoasi hujumchisi Janluka Skamakka faoliyatini APLda davom ettirishi mumkin. Bu haqda Sky Sports Italia xabar bermoqda.
Qayd etilishicha, hujumchi uchun kurashga "Vest Xem" ham qo‘shilgan, ular hujumchini "PSJ"dan ilib ketishga tayyor.
So‘nggi ma’lumotlarga ko‘ra, parijliklar hujumchi uchun 30-35 million yevrodan ko‘proq pul to‘lamoqchi emas. "Bolg‘achilar" 40 million + 7 million bonus taklif qilishdi.
Skamakka o‘tgan mavsumda "Sassuolo" safida A seriyada 36 ta o‘yinda maydonga tushib, 16 ta gol urgan.