Afrika futbol konfederasiyasi (CAF) mavsumning eng yaxshi futbolchisi bo‘lish uchun nomzodlar nomini e’lon qildi.

Sadio Mane (“Bavariya”, Senegal), Riyod Maxrez (“Manchester Siti”, Jazoir), Muhammad Saloh (“Liverpul”, Misr), Karl Toko-Ekambi (“Lion”, Kamerun), Vinsent Abubakar (“An-Nasr”, Kamerun), Sebastyan Aller (“Ayaks”, Kot-d'Ivuar), Nabi Keyta (“Liverpul”, Gvineya), Ashraf Xakimi (“PSJ”, Marokash), Eduard Mendi (“Chelsi”, Senegal) va Kalidu Kulibali (“Napoli”, Senegal) sovrin uchun kurashadi.

2022 yilgi CAF mukofotlari 21 iyul kuni Marokashning Rabat shahrida bo‘lib o‘tishi rejalashtirilgan marosimda topshiriladi.