"Napoli" muxlislari himoyachi Kalidu Kulibalining "Chelsi"ga o‘tayotganidan norozi, deb xabar beradi TuttoNapoli.
13 iyul kuni 31 yoshli senegallik 40 million yevro evaziga ingliz klubiga o‘tishi ma’lum bo‘ldi.
Shundan so‘ng “Napoli” muxlislari klub mashg‘ulot bazasiga kelib, rahbariyatning harakatlaridan norozilik bildira boshlashdi. Bunga javoban jamoa sport direktori Krishtianu Jintoli ularni tinchlantirishga harakat qildi.
"Bu bizga bog‘liq emas", - dedi Jintoli.
Avvalroq, 31 yoshli senegallik "Chelsi" bilan 2027 yilgacha shartnoma imzolashi va mavsumiga 10 million yevro maosh olishi haqida xabar berilgandi.
O‘tgan mavsumda Kulibali neapolliklar safida 34 ta o‘yinda maydonga tushib, 3 ta gol urdi va 3 ta golga assistentlik qildi. Himoyachining klub bilan shartnomasi 2023 yilning 30 iyuniga qadar amal qiladi.