"Наполи" мухлислари ҳимоячи Калиду Кулибалининг "Челси"га ўтаётганидан норози, деб хабар беради TuttoNapoli.
13 июль куни 31 ёшли сенегаллик 40 миллион евро эвазига инглиз клубига ўтиши маълум бўлди.
Шундан сўнг “Наполи” мухлислари клуб машғулот базасига келиб, раҳбариятнинг ҳаракатларидан норозилик билдира бошлашди. Бунга жавобан жамоа спорт директори Криштиану Жинтоли уларни тинчлантиришга ҳаракат қилди.
"Бу бизга боғлиқ эмас", - деди Жинтоли.
Аввалроқ, 31 ёшли сенегаллик "Челси" билан 2027 йилгача шартнома имзолаши ва мавсумига 10 миллион евро маош олиши ҳақида хабар берилганди.
Ўтган мавсумда Кулибали неаполликлар сафида 34 та ўйинда майдонга тушиб, 3 та гол урди ва 3 та голга ассистентлик қилди. Ҳимоячининг клуб билан шартномаси 2023 йилнинг 30 июнига қадар амал қилади.
