“Lion” ushbu transfer oynasida himoyachi Jerom Boateng bilan xayrlashmoqchi.

Bild xabariga ko‘ra, 33 yoshli germaniyalik futbolchi "Galatasaroy"ga taklif qilingan. Biroq jamoa ustozi Okan Buruk Boatengni juda sust deb hisoblagani uchun Istanbul klubi futbolchi bilan shartnoma imzolashdan bosh tortdi.

"Trabzonspor" 2014 yilgi jahon chempioni uchun kurashga kirishgandi. Klub futbolchini maoshining 50 foizini qoplagan holda ijaraga olmoqchi edi. Biroq Germaniya terma jamoasining sobiq futbolchisining o‘zi bu variantdan bosh tortgan.

Boateng o‘tgan mavsumda barcha turnirlarda 27 ta o‘yinda maydonga tushib, 2 ta golli uzatmani amalga oshirgan.