“Лион” ушбу трансфер ойнасида ҳимоячи Жером Боатенг билан хайрлашмоқчи.
Bild хабарига кўра, 33 ёшли германиялик футболчи "Галатасарой"га таклиф қилинган. Бироқ жамоа устози Окан Бурук Боатенгни жуда суст деб ҳисоблагани учун Истанбул клуби футболчи билан шартнома имзолашдан бош тортди.
"Трабзонспор" 2014 йилги жаҳон чемпиони учун курашга киришганди. Клуб футболчини маошининг 50 фоизини қоплаган ҳолда ижарага олмоқчи эди. Бироқ Германия терма жамоасининг собиқ футболчисининг ўзи бу вариантдан бош тортган.
Боатенг ўтган мавсумда барча турнирларда 27 та ўйинда майдонга тушиб, 2 та голли узатмани амалга оширган.
