"Napoli" "Fenerbaxche" himoyachisi Kim Min Chjega qiziqish bildirmoqda, deb xabar beradi Sky Sports Italia.
Manba bergan xabarga ko‘ra, 25 yoshli koreyalik futbolchi allaqachon Italiya klubiga o‘tishga rozi bo‘lgan, turk klubi rahbariyati esa himoyachi uchun 20 million yevro talab qilishda davom etmoqda. "Napoli" narxini 15 millionga tushirishga harakat qilmoqda.
Ma’lum bo‘lishicha, Kim Min Dje so‘nggi paytlarda “Fenerbaxche” mashg‘ulotlarida qatnashmayotgan edi.
Himoyachining turk klubi bilan shartnomasi 2025 yilning iyunigacha amal qiladi. Transfermarkt portali futbolchini 14 million yevroga baholamoqda.
2021/22 yilgi mavsumda “Fenerbaxche” safida futbolchi 39 ta o‘yinda maydonga tushdi va 1 ta gol urdi.