"Наполи" "Фенербахче" ҳимоячиси Ким Мин Чжега қизиқиш билдирмоқда, деб хабар беради Sky Sports Italia.
Манба берган хабарга кўра, 25 ёшли кореялик футболчи аллақачон Италия клубига ўтишга рози бўлган, турк клуби раҳбарияти эса ҳимоячи учун 20 миллион евро талаб қилишда давом этмоқда. "Наполи" нархини 15 миллионга туширишга ҳаракат қилмоқда.
Маълум бўлишича, Ким Мин Дже сўнгги пайтларда “Фенербахче” машғулотларида қатнашмаётган эди.
Ҳимоячининг турк клуби билан шартномаси 2025 йилнинг июнигача амал қилади. Transfermarkt портали футболчини 14 миллион еврога баҳоламоқда.
2021/22 йилги мавсумда “Фенербахче” сафида футболчи 39 та ўйинда майдонга тушди ва 1 та гол урди.