"Tottenxem" klubi "Midlsbro" bilan himoyachi Jed Spensni sotib olish borasida kelishuvga erishdi, deb xabar beradi Sky Sports.
Manbaning xabariga ko‘ra, tomonlar 21 yoshli angliyalikning transferi haqida yaqin kunlarda e’lon qilishadi. Spens "shporlar"ga deyarli 15 million yevroga tushadi. Kelajakda bu miqdor bonuslarni hisobga olgan holda 25 millionga yetishi mumkin.
2021/22 yilgi mavsumda Spens "Nottingem Forest"da ijara asosida o‘ynadi, himoyachi jamoaning Premyer-ligaga qaytishiga yordam berdi. 21 yoshli angliyalik "o‘rmonchilar" safida 50ta o‘yinda 3ta gol urdi va 5ta golli uzatmani amalga oshirdi.
Uning "Midlsbro" bilan shartnomasi 2024 yilning yoziga qadar mo‘ljallangan.