"Тоттенхэм" клуби "Мидлсбро" билан ҳимоячи Жед Спенсни сотиб олиш борасида келишувга эришди, деб хабар беради Sky Sports.
Манбанинг хабарига кўра, томонлар 21 ёшли англияликнинг трансфери ҳақида яқин кунларда эълон қилишади. Спенс "шпорлар"га деярли 15 миллион еврога тушади. Келажакда бу миқдор бонусларни ҳисобга олган ҳолда 25 миллионга етиши мумкин.
2021/22 йилги мавсумда Спенс "Ноттингем Форест"да ижара асосида ўйнади, ҳимоячи жамоанинг Премьер-лигага қайтишига ёрдам берди. 21 ёшли англиялик "ўрмончилар" сафида 50та ўйинда 3та гол урди ва 5та голли узатмани амалга оширди.
Унинг "Мидлсбро" билан шартномаси 2024 йилнинг ёзига қадар мўлжалланган.