Madridning “Real” klubi bosh murabbiyi Karlo Anchelotti matbuot anjumanida AQSH turnesi doirasida jamoani kutayotgan “Barselona” bilan bo‘lajak o‘yin haqidagi savolga javob berdi.
"Barselona" bilan Vegasdagi o‘yin? Bu raqib bilan o‘yinlar hech qachon do‘stona bo‘lmaydi, bu ko‘rgazmali o‘yin emas.
"Barselona" biz juda hurmat qiladigan va biz bilan eng katta raqobatga ega bo‘lgan jamoa. Demak, bu shou va shu bilan birga juda raqobatli o‘yin bo‘ladi", - deya Anchelotti so‘zlarini keltiradi Marca.
Ma’lumot uchun, "Real Madrid" - "Barselona" uchrashuvi 24 iyul kuni Las-Vegasdagi "Allegiant" stadionida bo‘lib o‘tadi. Bahs Toshkent vaqti bilan soat 08:00 da start oladi.
