Мадриднинг “Реал” клуби бош мураббийи Карло Анчелотти матбуот анжуманида АҚШ турнеси доирасида жамоани кутаётган “Барселона” билан бўлажак ўйин ҳақидаги саволга жавоб берди.
"Барселона" билан Вегасдаги ўйин? Бу рақиб билан ўйинлар ҳеч қачон дўстона бўлмайди, бу кўргазмали ўйин эмас.
"Барселона" биз жуда ҳурмат қиладиган ва биз билан энг катта рақобатга эга бўлган жамоа. Демак, бу шоу ва шу билан бирга жуда рақобатли ўйин бўлади", - дея Анчелотти сўзларини келтиради Marca.
Маълумот учун, "Реал Мадрид" - "Барселона" учрашуви 24 июль куни Лас-Вегасдаги "Аллегиант" стадионида бўлиб ўтади. Баҳс Тошкент вақти билан соат 08:00 да старт олади.
