Diario De Sevilla xabariga ko‘ra, "Sevilya" "Arsenal" vingeri Nikolas Pepega qiziqish bildirmoqda.
27 yoshli fransuz Mikel Artetaning rejalarida emas va yozda klubni tark etishi mumkin.
Andalusiyaliklar "kanonirlar" bilan aloqada bo‘lib, futbolchi uchun 18 million yevro va bonuslar berishga tayyor, ingliz klubi esa kamida 25 million olishga umid qilmoqda.
Eslatib o‘tamiz, Pepening transferi 2019 yilda “Arsenal”ga 80 million yevroga tushgan. U "Lill"dan transfer qilingan.
Qanot hujumchisining shartnomasi 2 yildan keyin tugaydi.