Moskvaning “Spartak” yarim himoyachisi Oston O‘runov Janubiy Koreyaning “Chonbuk Motorz” klubiga o‘tishi mumkin, deb xabar beradi Rossiya OAVsi.

Manbaga ko‘ra, "qizil-oqlar" rahbariyati o‘z futbolchisini sotishdan 2 million yevro ishlab olishni kutmoqda.

"Chonbuk Motorz" Janubiy Koreyaning sakkiz karra chempioni, shuningdek, mamlakat kubogining to‘rt karra g‘olibi hisoblanadi.

O‘tgan mavsumni 21 yoshli O‘runov ijara asosida "Ufa"da o‘tkazdi. Hamyurtimiz Boshqirdiston jamoasi safida 17ta o‘yinida qatnashib, bitta ham gol ura olmadi.

Transfermarkt portali O‘runovning narxini 700 ming yevroga baholamoqda.