Москванинг “Спартак” ярим ҳимоячиси Остон Ўрунов Жанубий Кореянинг “Чонбук Моторз” клубига ўтиши мумкин, деб хабар беради Россия ОАВси.
Манбага кўра, "қизил-оқлар" раҳбарияти ўз футболчисини сотишдан 2 миллион евро ишлаб олишни кутмоқда.
"Чонбук Моторз" Жанубий Кореянинг саккиз карра чемпиони, шунингдек, мамлакат кубогининг тўрт карра ғолиби ҳисобланади.
Ўтган мавсумни 21 ёшли Ўрунов ижара асосида "Уфа"да ўтказди. Ҳамюртимиз Бошқирдистон жамоаси сафида 17та ўйинида қатнашиб, битта ҳам гол ура олмади.
Transfermarkt портали Ўруновнинг нархини 700 минг еврога баҳоламоқда.
