O‘FA birinchi vitse-prezidenti Ravshan Ermatov boshchiligidagi mutaxassislar viloyatda futbol ommaviyligini oshirish, bolalar-o‘smirlar futbolini yanada rivojlantirish bo‘yicha amalga oshirilayotgan ishlar, shuningdek kelajakda Jizzax viloyatida futbol bazasi va futbol akademiyalarini tashkil qilish bo‘yicha rejalar bilan tanishish maqsadida Jizzax viloyatiga tashrif buyurishdi.
Tashrifning dastlabki qismida viloyatda yangi qad rostlagan futbol akademiya hamda bazaning faoliyati bilan yaqindan tanishildi. Ma’sullar bilan bo‘lgan suhbatda akademiya maydonlarini sifatli parvarishlash, inshootlarning yotoqxona va oshxonalarini zamon talablariga mos ravishda jihozlash, shuningdek, Yevropa akademiyalari kabi barcha talablarga javob beradigan sharoitlarni tashkillashtirish bo‘yicha topshiriqlar berildi.
Viloyat miqyosida bolalar futbolining infrastrukturasi yuzasidan fikr almashildi. Oldinda turgan rejalar hamda qilinishi kerak bo‘lgan vazifalar muhokama qilindi.
