ЎФА биринчи витце-президенти Равшан Эрматов бошчилигидаги мутахассислар вилоятда футбол оммавийлигини ошириш, болалар-ўсмирлар футболини янада ривожлантириш бўйича амалга оширилаётган ишлар, шунингдек келажакда Жиззах вилоятида футбол базаси ва футбол академияларини ташкил қилиш бўйича режалар билан танишиш мақсадида Жиззах вилоятига ташриф буюришди.
Ташрифнинг дастлабки қисмида вилоятда янги қад ростлаган футбол академия ҳамда базанинг фаолияти билан яқиндан танишилди. Маъсуллар билан бўлган суҳбатда академия майдонларини сифатли парваришлаш, иншоотларнинг ётоқхона ва ошхоналарини замон талабларига мос равишда жиҳозлаш, шунингдек, Европа академиялари каби барча талабларга жавоб берадиган шароитларни ташкиллаштириш бўйича топшириқлар берилди.
Вилоят миқёсида болалар футболининг инфраструктураси юзасидан фикр алмашилди. Олдинда турган режалар ҳамда қилиниши керак бўлган вазифалар муҳокама қилинди.
