Germaniyaning “Volfsburg” klubi o‘z safini Italiyaning “Bolonya” klubi yarim himoyachisi Mattias Svanberg bilan to‘ldirdi. Jurnalist Fabrisio Romanoning yozishicha, Shvesiya terma jamoasi futbolchisi “bo‘rilar”ga 9 million yevroga tushgan.
Avvalroq Svanbergga Yevropaning top-klublari qiziqish bildirayotgandi, ammo yakunda futbolchi uchun kurashda “Volfsburg” g‘alaba qozondi. Mattiasning o‘zi "Bolonya"da 4 mavsum o‘ynadi va o‘zini mamlakatidagi eng istiqbolli yarim himoyachilardan biri sifatida ko‘rsatdi.
23 yoshli Svanberg o‘tgan mavsumda A Seriyada 36 ta o‘yinda maydonga tushib, 3 ta gol urdi va 3 ta golli uzatmani amalga oshirdi.
