Германиянинг “Вольфсбург” клуби ўз сафини Италиянинг “Болонья” клуби ярим ҳимоячиси Маттиас Сванберг билан тўлдирди. Журналист Фабрицио Романонинг ёзишича, Швеция терма жамоаси футболчиси “бўрилар”га 9 миллион еврога тушган.
Аввалроқ Сванбергга Европанинг топ-клублари қизиқиш билдираётганди, аммо якунда футболчи учун курашда “Вольфсбург” ғалаба қозонди. Маттиаснинг ўзи "Болонья"да 4 мавсум ўйнади ва ўзини мамлакатидаги энг истиқболли ярим ҳимоячилардан бири сифатида кўрсатди.
23 ёшли Сванберг ўтган мавсумда А Серияда 36 та ўйинда майдонга тушиб, 3 та гол урди ва 3 та голли узатмани амалга оширди.
