"Liverpul" himoyachi Ben Devis bilan xayrlashishga qaror qildi. Bu haqda insayder Jon Persi ijtimoiy tarmoqlari orqali xabar berdi.
"Mersisaydliklar" o‘z futbolchisini Shotlandiyaning "Reynjers" jamoasiga o‘tishi ustida ishlamoqda. Glazgo klubi 26 yoshli futbolchining transferi uchun taxminan 4,5 million yevro to‘laydi. Shotlandiyaliklar Devisni Amsterdamning "Ayaks" klubi sotib olayotgan Kalvin Bassi o‘rniga sotib olishmoqda.
Eslatib o‘tamiz, "Liverpul" Benni o‘tgan yilning fevral oyida "Preston"dan sotib olgan edi. Bitim ikki million yevroni tashkil etgandi.
O‘shandan beri himoyachi Yurgen Klopp jamoasida rasmiy uchrashuvlarda maydonga tushmadi.