"Ливерпуль" ҳимоячи Бен Дэвис билан хайрлашишга қарор қилди. Бу ҳақда инсайдер Жон Перси ижтимоий тармоқлари орқали хабар берди.
"Мерсисайдликлар" ўз футболчисини Шотландиянинг "Рейнжерс" жамоасига ўтиши устида ишламоқда. Глазго клуби 26 ёшли футболчининг трансфери учун тахминан 4,5 миллион евро тўлайди. Шотландияликлар Дэвисни Амстердамнинг "Аякс" клуби сотиб олаётган Калвин Басси ўрнига сотиб олишмоқда.
Эслатиб ўтамиз, "Ливерпуль" Бенни ўтган йилнинг феврал ойида "Престон"дан сотиб олган эди. Битим икки миллион еврони ташкил этганди.
Ўшандан бери ҳимоячи Юрген Клопп жамоасида расмий учрашувларда майдонга тушмади.
