Robin Gosens "Inter"ning "Monako"ga qarshi o‘rtoqlik o‘yinining birinchi bo‘limidan so‘ng chap son mushaklari jarohati tufayli almashtirildi. Muammo jiddiy hisoblanmayapti, biroq nemis futbolchisi mavsumoldi tayyorgarlikni o‘tkazib yuborishi kerak, bu esa uning chempionat boshlanishiga tayyorgarligiga salbiy ta’sir ko‘rsatishi mumkin, deb yozadi Calcio Mercato.
2021/2022 yilgi mavsumda Robin Gosens "Atalanta" va "Inter" safida jami atigi 17 ta o‘yin o‘tkazdi.
“Inter” yangi mavsumdagi ilk rasmiy o‘yinini 13 avgust kuni o‘tkazadi. Shu kuni Simone Indzagi shogirdlari Italiya A seriyasining ilk turida “Lechche”ga qarshi bahs olib boradi.
