"Roma" afsonasi Franchesko Totti hujumchi Paulo Dibalaning rimliklar safida 10-raqamda harakat qilishiga qarshi emas.
Totti klub tarixidagi so‘nggi "o‘nlik" edi. Rimliklarning sobiq hujumchisi 2017 yilda nafaqaga chiqqanidan so‘ng, bu raqam bo‘sh turibdi.
Il Tempo va Sky Sports Italia ma’lumotlariga ko‘ra, Dibala 10-raqamni tanlamaydi va 21-raqamni afzal ko‘radi.
Avvalroq, 28 yoshli argentinalik futbolchi "Roma" bilan 2025 yilgacha shartnoma imzolashi mumkinligi, biroq shartnomada uni 20 million yevroga sotib yuborish bandi borligi haqida xabar berilgandi.
Turinning "Yuventus" klubi bilan shartnomani uzaytirish borasida kelisha olmagan hujumchi bir oydan beri erkin agent maqomida bo‘lib turibdi.
O‘tgan mavsumda hujumchi turinliklar safida 39ta o‘yinda maydonga tushib, 15ta gol urdi va 6ta golli uzatmani amalga oshirdi.
