"Рома" афсонаси Франческо Тотти ҳужумчи Пауло Дибаланинг римликлар сафида 10-рақамда ҳаракат қилишига қарши эмас.
Тотти клуб тарихидаги сўнгги "ўнлик" эди. Римликларнинг собиқ ҳужумчиси 2017 йилда нафақага чиққанидан сўнг, бу рақам бўш турибди.
Il Tempo ва Sky Sports Italia маълумотларига кўра, Дибала 10-рақамни танламайди ва 21-рақамни афзал кўради.
Аввалроқ, 28 ёшли аргентиналик футболчи "Рома" билан 2025 йилгача шартнома имзолаши мумкинлиги, бироқ шартномада уни 20 миллион еврога сотиб юбориш банди борлиги ҳақида хабар берилганди.
Туриннинг "Ювентус" клуби билан шартномани узайтириш борасида келиша олмаган ҳужумчи бир ойдан бери эркин агент мақомида бўлиб турибди.
Ўтган мавсумда ҳужумчи туринликлар сафида 39та ўйинда майдонга тушиб, 15та гол урди ва 6та голли узатмани амалга оширди.
