Xabaringiz bor, 17 iyuldan Toshkent shahrida o‘smirlar va yoshlar o‘rtasidagi Osiyo chempionati bahslariga start berildi. Bundan biroz avval Osiyo chempionatida navbatdagi medallarni qo‘lga kiritdik.

Bugungi bahslarning -61 kg vazn toifasida Diyorbek Ro‘zmetov dast ko‘tarish mashqida 116 kg, siltab ko‘tarish mashqida esa 137 kg og‘irlikni zabt etib, ikkikurash natijasiga ko‘ra umumiy 253 kg bilan o‘smirlar toifasida barcha yo‘nalishlarda chempionlikni qo‘lga kiritdi.

Avvalroq, Layloxon Polvonnazarova musobaqada 1ta kumush va 2ta bronza, Ziyoda Xudoyqulova esa -49 kg vazn toifasida dast ko‘tarish mashqida bronza medaliga sazovor bo‘lgandi.

Shu tariqa, uchinchi kungi bellashuvlarda vakillarimiz 3ta oltin, 1ta kumush va 3ta bronza, jami 7ta medal qo‘lga kiritishdi.

Eslatib o‘tamiz, o‘smirlar va yoshlar o‘rtasidagi Osiyo chempionati bahslari 25 iyulga qadar davom etadi.