“Venesiya” yarim himoyachisi Mikael Kyuizans faoliyatini Italiyaning boshqa klubida davom ettirishi mumkin.

Footmercato xabariga ko‘ra, 22 yoshli fransiyalik futbolchining transferiga "Torino" klubi qiziqish bildirgan.

“Buqalar” rahbariyati yarim himoyachining transferi uchun olti million yevro to‘lashga tayyor. Tomonlar hozirda potensial kelishuv bo‘yicha muzokaralar olib bormoqda.

Mikael «Venesiya» safiga 2022 yilning qishida kelib qo‘shilgandi. O‘tgan mavsumda himoyachi 13 ta o‘yinda ishtirok etgan.